پنجگور: وزیراعلیٰ بلوچستان میر سرفراز بگٹی نے ضلع پنجگور کا دورہ کیا جہاں انہوں نے شاہ قلندر درگاہ اور خدابادان میں خواتین کے اسکل ڈیولپمنٹ سینٹر کا افتتاح کیا۔
انہوں نے ضلع کے لیے دو گرین بسیں اور ایک پنک بس فراہم کرنے کا اعلان کیا جبکہ پنجگور پریس کلب کے لیے ۲۰ ملین روپے کے گرانٹ کی منظوری بھی دی۔
وزیراعلیٰ نے کہا کہ حکومت صوبے میں ترقی اور استحکام کے لیے پرعزم ہے اور عوامی سطح پر بہتری کے لیے عملی اقدامات کیے جا رہے ہیں۔
انہوں نے کہا کہ کمیونٹیز کو نوجوانوں کو تشدد اور منفی سرگرمیوں سے دور رکھنے میں کردار ادا کرنا ہوگا۔
میر سرفراز بگٹی نے ۶۰۰ ملین روپے سے زیتون پراسیسنگ پلانٹ کے قیام اور بارڈر امیگریشن سہولت مرکز کے قیام کا بھی اعلان کیا۔
انہوں نے کہا کہ تمام شعبوں میں میرٹ پر مبنی اصلاحات جاری ہیں تاکہ گڈ گورننس کو مزید مضبوط بنایا جا سکے۔