کراچی/گوادر: پاکستان نے گوادر سے منسلک ایک نئی تجارتی راہداری کے ذریعے ایران کے راستے وسطی ایشیائی ممالک تک برآمدات کا آغاز کر دیا ہے۔
حکام کے مطابق کراچی سے پہلی ریفریجریٹڈ برآمدی کھیپ بیف کی صورت میں ٹی آئی آر نظام کے تحت روانہ کی گئی، جو گوادر کے قریب گبد بارڈر پوسٹ سے گزرتے ہوئے ایران کے راستے ازبکستان تک پہنچے گی۔
یہ نئی راہداری گوادر اور ایران کے درمیان واقع رمیدان بارڈر کے ذریعے پاکستان کو وسطی ایشیا سے جوڑتی ہے، جس سے خطے میں تجارتی سرگرمیوں کے نئے مواقع پیدا ہوں گے۔
کسٹمز حکام کے مطابق یہ اقدام پاکستان کے ٹرانزٹ اور لاجسٹکس نظام میں اہم پیش رفت ہے اور اس سے گوادر کی اسٹریٹجک اہمیت مزید بڑھ گئی ہے۔
ماہرین کے مطابق اس راہداری سے برآمد کنندگان کو تیز اور مؤثر ٹرانزٹ سہولت ملے گی جبکہ پاکستان ایک اہم لاجسٹکس حب کے طور پر ابھر سکتا ہے جو جنوبی ایشیا، مشرق وسطیٰ اور وسطی ایشیا کو آپس میں جوڑتا ہے۔