اسلام آباد، پاکستان میں مسافروں کی سہولت اور ائیرپورٹس پر بڑھتے دباؤ کو کم کرنے کے لیے حکومت نے اسمارٹ “ون ونڈو” کلیئرنس سسٹم متعارف کرانے کا فیصلہ کیا ہے جس کے تحت ای گیٹس اور جدید اسکینرز کے ذریعے امیگریشن اور سیکیورٹی چیکنگ کو تیز کیا جائے گا۔
Islamabad میں اعلیٰ سطح اجلاس کے دوران اس منصوبے کا تفصیلی جائزہ لیا گیا، جس میں وزارتِ دفاع، وزارتِ داخلہ اور دیگر اداروں کے اعلیٰ حکام نے شرکت کی۔
حکام کے مطابق نئے نظام کے تحت مختلف اداروں کی الگ الگ چیکنگ کے بجائے ایک ہی مربوط سسٹم کے ذریعے تمام سیکیورٹی اور امیگریشن مراحل مکمل کیے جائیں گے، جس سے مسافروں کا وقت نمایاں طور پر کم ہو جائے گا۔
منصوبے میں بائیومیٹرک ای گیٹس، فیس ریکگنیشن اور پاسپورٹ اسکیننگ ٹیکنالوجی شامل ہوگی، جس کے ذریعے امیگریشن کا عمل چند منٹوں سے کم ہو کر ایک منٹ سے بھی کم وقت میں مکمل کیا جا سکے گا۔
حکام نے بتایا کہ ابتدائی طور پر یہ نظام اسلام آباد انٹرنیشنل ائیرپورٹ پر شروع کیا جائے گا اور بعد ازاں ملک کے دیگر ائیرپورٹس تک توسیع دی جائے گی۔ ساتھ ہی اس سسٹم کو ایف آئی اے کے ڈیٹا بیس اور انٹرپول معلومات سے بھی منسلک کیا جائے گا تاکہ مشکوک افراد کی فوری نشاندہی ممکن ہو سکے۔