حب، 14 اپریل (ویب ڈیسک): ڈپٹی کمشنر حب کی زیر صدارت ڈسٹرکٹ ہیلتھ کمیٹی کا اجلاس منعقد ہوا جس میں ضلع بھر میں صحت کی سہولیات کا تفصیلی جائزہ لیا گیا۔
تفصیلات کے مطابق اجلاس میں ہسپتالوں، بنیادی صحت مراکز (BHUs) اور دیہی مراکز صحت کی کارکردگی پر غور کیا گیا اور بہتری کے لیے ضروری اقدامات کی ہدایات جاری کی گئیں۔
ڈپٹی کمشنر نے غیر حاضر عملے کے خلاف فوری کارروائی کا حکم دیتے ہوئے کہا کہ صحت کے شعبے میں غفلت کسی صورت برداشت نہیں کی جائے گی۔
اجلاس میں اس بات پر زور دیا گیا کہ عوام کو بہتر اور معیاری طبی سہولیات کی فراہمی یقینی بنانے کے لیے تمام ادارے اپنی کارکردگی مزید بہتر بنائیں۔