پاکستان میں سرکاری حج اسکیم کے تحت حج پروازوں کا آغاز ہفتہ (آج) سے ہو گیا ہے۔ پاکستان سے عازمین حج کو مدینہ منورہ اور مکہ مکرمہ پہنچانے کے لیے مجموعی طور پر چار سو اڑسٹھ پروازیں چلائی جائیں گی اور یہ آپریشن اکیس مئی تک جاری رہے گا۔
حکام کے مطابق حج پروازیں کراچی، لاہور، سیالکوٹ اور ملتان سمیت مختلف شہروں سے روانہ ہوں گی۔ پہلے دن چار پروازوں کے ذریعے عازمین کو مدینہ منورہ منتقل کیا جائے گا۔
سرکاری اعداد و شمار کے مطابق اس سال ایک لاکھ انیس ہزار پاکستانی عازمین حج کی سعادت حاصل کریں گے جن میں اکیاون ہزار آٹھ سو چھیالیس خواتین اور سڑسٹھ ہزار دو سو تیس مرد شامل ہیں۔
حج آپریشن کے دوران پہلی پندرہ دن پروازیں زیادہ تر مدینہ منورہ کے لیے ہوں گی جبکہ بعد میں مکہ مکرمہ اور جدہ کے لیے پروازوں کا سلسلہ شروع ہوگا۔ مجموعی طور پر ایک سو چھیاسی پروازیں مدینہ اور دو سو بیاسی پروازیں جدہ کے لیے چلائی جائیں گی۔
حکام کے مطابق پی آئی اے، ایئر بلیو، ایئر سیال اور سعودی ایئرلائنز حج آپریشن میں حصہ لے رہی ہیں جبکہ پاکستان کے آٹھ شہروں سے حج پروازیں آپریٹ کی جا رہی ہیں۔ عازمین کو پروازوں سے متعلق معلومات کے لیے پاک حج موبائل ایپ استعمال کرنے کی ہدایت بھی کی گئی ہے۔