اسلام آباد: اسٹیٹ بینک آف پاکستان کے زرمبادلہ ذخائر میں معمولی اضافہ ریکارڈ کیا گیا ہے، جہاں 27 مارچ 2026 کو ختم ہونے والے ہفتے میں 6 ملین ڈالر کا اضافہ ہوا۔
سرکاری اعداد و شمار کے مطابق مرکزی بینک کے ذخائر بڑھ کر 16 ارب 38 کروڑ ڈالر ہو گئے، جبکہ ملک کے مجموعی مائع زرمبادلہ ذخائر 21 ارب 79 کروڑ ڈالر تک پہنچ گئے۔
تفصیلات کے مطابق کمرشل بینکوں کے پاس 5 ارب 41 کروڑ ڈالر موجود ہیں، جو مجموعی ذخائر کا حصہ ہیں۔
دوسری جانب انٹر بینک مارکیٹ میں پاکستانی روپے کی قدر میں معمولی بہتری دیکھنے میں آئی، جہاں روپے کی قدر ایک پیسے اضافے کے ساتھ 279.11 روپے فی ڈالر پر بند ہوئی۔
ماہرین کے مطابق ذخائر میں یہ معمولی اضافہ بیرونی ادائیگیوں میں استحکام اور مالیاتی نظم و ضبط کی عکاسی کرتا ہے۔