پاکستان کے نجی شعبے کے ایک معروف ڈویلپر نے ایشیا پیسیفک پراپرٹی ایوارڈز 2026–2027 میں دو اہم اعزازات حاصل کر لیے ہیں، جسے ملکی ریئل اسٹیٹ سیکٹر کے لیے بین الاقوامی سطح پر بڑی کامیابی قرار دیا جا رہا ہے۔
فیسل ٹاؤن گروپ کو اس کے منصوبے فیسل ہلز کے لیے “بیسٹ ماسٹر پلان پاکستان” اور ہل واک کے لیے “بیسٹ ریٹیل ڈیولپمنٹ پاکستان” کا ایوارڈ دیا گیا۔ یہ اعزازات گروپ کے ڈائریکٹرز چوہدری زوہیر مجید اور چوہدری موازم مجید نے وصول کیے۔
انتظامیہ کے مطابق یہ ایوارڈز انٹرنیشنل پراپرٹی ایوارڈز کا حصہ ہیں جو دنیا بھر میں رئیل اسٹیٹ، آرکیٹیکچر اور ڈیزائن کے معیار کا اہم پیمانہ سمجھے جاتے ہیں۔ کمپنی کے نمائندوں نے کہا کہ یہ کامیابی ان کے منصوبوں کی معیاری منصوبہ بندی اور بین الاقوامی معیار پر پورا اترنے کی عکاس ہے۔
اس سے قبل بھی اسی گروپ کو 2025 میں فیسل جیول پروجیکٹ کے لیے ہائی رائز آرکیٹیکچر اور ہائی رائز ڈیولپمنٹ کے ایوارڈز مل چکے ہیں۔ ماہرین کے مطابق یہ تسلسل پاکستان کے تعمیراتی اور شہری ترقی کے شعبے میں بڑھتی ہوئی عالمی شناخت کی علامت ہے۔