Quetta میں وزیراعلیٰ بلوچستان میر سرفراز بگٹی نے پرتشدد انتہا پسندی کے خلاف صوبے کے پہلے ریسرچ سینٹر کا افتتاح کر دیا ہے، جس کا مقصد تحقیق کی بنیاد پر پالیسی سازی کو بہتر بنانا ہے۔
تقریب میں صوبائی وزیر داخلہ، اراکین اسمبلی اور مختلف محکموں کے اعلیٰ حکام نے شرکت کی جبکہ متعلقہ اداروں کو سینٹر کے مقاصد اور آئندہ منصوبوں پر بریفنگ دی گئی۔
حکام کے مطابق یہ مرکز انتہا پسندی سے جڑے مسائل کا تجزیہ کرے گا اور نوجوانوں کو مثبت سرگرمیوں کی طرف راغب کرنے کے لیے سفارشات تیار کرے گا۔
وزیراعلیٰ نے کہا کہ نوجوانوں کو شدت پسندی سے دور رکھنا حکومت کی ترجیح ہے اور اس مقصد کے لیے مضبوط پالیسی اور عملی اقدامات ضروری ہیں۔
بعد ازاں انہوں نے این ای یو ایس ٹی کوئٹہ کیمپس کا دورہ کیا، ڈیجیٹل ڈیش بورڈ کا افتتاح کیا اور طلبہ سے طویل نشست میں گفتگو کرتے ہوئے کہا کہ تحقیق اور درست معلومات کے ذریعے حقیقت اور تاثر کے فرق کو کم کیا جا سکتا ہے۔