گوادر پورٹ اتھارٹی کے چیئرمین نور الحق بلوچ نے کراچی میں سلطنت عمان کے قونصل جنرل انجینئر سامی عبداللہ الخجری سے ملاقات کی۔ ملاقات کے دوران پاکستان اور عمان کے دوطرفہ تعلقات، باہمی دلچسپی کے امور اور بحری و بندرگاہی شعبوں میں تعاون مزید مضبوط بنانے کے مواقع پر تبادلہ خیال کیا گیا۔ فریقین نے گوادر پورٹ کی علاقائی رابطہ کاری، تجارت اور اقتصادی تعاون کے فروغ میں اہمیت پر بھی گفتگو کی۔ ملاقات میں پاکستان اور عمان کے درمیان بندرگاہی اور بحری شعبوں میں تعاون کے امکانات کا جائزہ لیتے ہوئے باہمی روابط مزید بڑھانے پر زور دیا گیا۔ دونوں جانب سے گوادر پورٹ کو علاقائی تجارت اور اقتصادی سرگرمیوں کے فروغ کے لیے اہم قرار دیا گیا
26°C
Sunny