کوئٹہ: بلوچستان کے علاقے اخترآباد میں گیس پائپ لائن دھماکے کے بعد صوبے کے مختلف اضلاع میں گیس کی فراہمی شدید متاثر ہو گئی ہے۔
سوئی سدرن گیس کمپنی کے مطابق 18 انچ قطر کی گیس پائپ لائن کو نقصان پہنچا، جس کے باعث متعدد علاقوں میں 47 گھنٹوں سے زائد عرصے کیلئے گیس سپلائی معطل ہو گئی۔
متاثرہ اضلاع میں مستونگ، قلات، پشین، کچلاک اور زیارت شامل ہیں، جبکہ کوئٹہ کے علاقوں ہزارہ ٹاؤن، ہزار گنجی، خروٹ آباد، پشتون باغ، کھیزی اور نوحصار میں بھی گیس بندش کا سامنا ہے۔
حکام کے مطابق متاثرہ پائپ لائن کی مرمت کا کام شروع کر دیا گیا ہے، جبکہ متبادل لائن کے ذریعے کوئٹہ اور قریبی علاقوں کو محدود گیس فراہم کی جا رہی ہے تاکہ عوام کو جزوی ریلیف دیا جا سکے۔
انتظامیہ کا کہنا ہے کہ مرمت مکمل ہوتے ہی گیس فراہمی بحال کر دی جائے گی۔