گوادر، بلوچستان، پاکستان کے ساحلی شہر پسنی میں ہفتہ کے روز 4.5 شدت کا زلزلہ محسوس کیا گیا، جس کے باعث شہری خوفزدہ ہو کر گھروں سے باہر نکل آئے۔
محکمہ زلزلہ پیما مرکز کے مطابق زلزلے کی گہرائی 13 کلومیٹر ریکارڈ کی گئی جبکہ اس کا مرکز پسنی سے 48 کلومیٹر جنوب مغرب میں واقع تھا۔ جھٹکے پسنی اور گرد و نواح کے علاقوں میں محسوس کیے گئے۔
مقامی حکام نے زلزلے کی تصدیق کرتے ہوئے بتایا کہ کسی جانی یا مالی نقصان کی اطلاع موصول نہیں ہوئی، تاہم احتیاطی تدابیر اختیار کرنے کی ہدایت جاری کی گئی ہے۔