اسلام آباد: وزیراعظم پاکستان شہباز شریف نے ملک میں پیٹرول اور ڈیزل کی قیمتوں میں نمایاں کمی کا اعلان کر دیا ہے تاکہ عوام کو معاشی دباؤ میں ریلیف فراہم کیا جا سکے۔
اعلان کے مطابق پیٹرول کی قیمت میں ۱۱ روپے ۸۳ پیسے فی لیٹر کمی کی گئی ہے جس کے بعد نئی قیمت ۳۶۶ روپے ۵۸ پیسے فی لیٹر مقرر کی گئی ہے۔
اسی طرح ڈیزل کی قیمت میں ۱۳۴ روپے ۸۱ پیسے فی لیٹر بڑی کمی کرتے ہوئے نئی قیمت ۳۸۵ روپے ۵۴ پیسے فی لیٹر مقرر کی گئی ہے۔
حکام کے مطابق نئی قیمتوں کا اطلاق آج رات بارہ بجے سے ملک بھر میں ہوگا۔
یہ فیصلہ عالمی مارکیٹ میں تیل کی قیمتوں میں تبدیلی کے مطابق کیا گیا ہے تاکہ مہنگائی کے بوجھ کو کم کیا جا سکے۔
واضح رہے کہ اس سے قبل ایران جنگ کے باعث عالمی سطح پر تیل کی قلت کے بعد پیٹرول اور ڈیزل کی قیمتوں میں تاریخی اضافہ کیا گیا تھا۔
بعد ازاں وزیراعظم نے عوامی دباؤ کو مدنظر رکھتے ہوئے قیمتوں میں مرحلہ وار کمی کا اعلان کیا۔
وزیراعظم نے اس موقع پر کفایت شعاری اقدامات کا بھی اعلان کیا، جس کے تحت کابینہ اراکین کی تنخواہیں اور مراعات چھ ماہ کے لیے معطل رکھنے کا فیصلہ کیا گیا ہے تاکہ مالی نظم و ضبط کو یقینی بنایا جا سکے۔