کولمبو: عالمی مالیاتی فنڈ (آئی ایم ایف) نے سری لنکا کے ساتھ اسٹاف لیول معاہدہ طے کر لیا ہے جس کے تحت تقریباً ۷۰۰ ملین ڈالر کی مالی معاونت جاری ہونے کا امکان ہے۔
آئی ایم ایف کے مطابق یہ رقم باضابطہ منظوری کے بعد فراہم کی جائے گی، تاہم اس کے لیے سری لنکا کو معاشی اصلاحات جاری رکھنا ہوں گی۔
ادارے نے کہا ہے کہ ملک کو توانائی کی قیمتوں، ایندھن لیوی اور مالی نظم و ضبط میں مزید اصلاحات کرنا ہوں گی تاکہ معاشی استحکام برقرار رکھا جا سکے۔
سری لنکا اس وقت کئی معاشی چیلنجز کا سامنا کر رہا ہے، جن میں ۲۰۲۲ کے ڈیفالٹ کے بعد بحالی کا عمل اور حالیہ عالمی توانائی بحران شامل ہیں۔
آئی ایم ایف کے مطابق مشرق وسطیٰ میں کشیدگی اور توانائی کی قیمتوں میں اضافہ سری لنکا کی معیشت پر دباؤ ڈال رہا ہے۔