لاہور، پنجاب، پاکستان میں بلوچستان کے صوبائی وزیر صحت بخت محمد کاکڑ نے گورنر پنجاب سردار سلیم حیدر خان سے گورنر ہاؤس میں ملاقات کی جس میں بلوچستان میں جاری صحت کے منصوبوں اور بین الصوبائی تعاون کے فروغ پر تفصیلی تبادلہ خیال کیا گیا۔
ملاقات کے دوران بلوچستان کے وزیر صحت نے صوبے میں صحت کے شعبے میں جاری اصلاحات سے گورنر پنجاب کو آگاہ کیا اور طبی سہولیات کی بہتری کے اقدامات پر بریفنگ دی۔
گورنر پنجاب نے اس موقع پر کہا کہ صوبوں کے درمیان طبی شعبے میں تعاون سے عوام کو بہتر صحت سہولیات فراہم کی جا سکتی ہیں۔ انہوں نے تعلیمی شعبے خصوصاً جامعات کے درمیان تعاون بڑھانے کی ضرورت پر بھی زور دیا اور کہا کہ ملک کی ترقی کے لیے چاروں صوبوں کی یکساں ترقی ناگزیر ہے۔