بلوچستان میں جمعہ کو تمام سرکاری دفاتر کھلے رکھنے کا فیصلہ

کوئٹہ: بلوچستان حکومت نے صوبے بھر کے تمام سرکاری دفاتر میں جمعہ کو معمول کے مطابق کام جاری رکھنے کا فیصلہ کیا ہے۔ محکمہ خدمات عمومی انتظامیہ کی جانب سے جاری کردہ اعلامیے کے مطابق جمعہ کو سرکاری دفاتر میں معمول کے مطابق دفتری امور انجام دیے جائیں گے۔ فیصلے کا اطلاق بلوچستان کے تمام سرکاری دفاتر پر ہوگا۔ متعلقہ محکمے نے تمام افسران اور اہلکاروں کو ہدایت کی ہے کہ جمعہ کے روز سرکاری امور معمول کے مطابق جاری رکھے جائیں اور دفتری کام میں کسی قسم کی رکاوٹ نہ آنے دی جائے۔