14 اپریل (ویب ڈیسک): حکومت آئندہ آٹو پالیسی میں ڈیوٹیز اور ٹیکسوں کے ڈھانچے میں تبدیلیوں پر غور کر رہی ہے تاکہ متوسط طبقے کے لیے گاڑیوں کی قیمتوں کو قابلِ برداشت بنایا جا سکے۔
تفصیلات کے مطابق انجینئرنگ ڈویلپمنٹ بورڈ (EDB) کے چیف ایگزیکٹو آفیسر ہماد علی منصور نے میڈیا بریفنگ میں بتایا کہ وزیراعظم شہباز شریف کی خواہش ہے کہ گاڑیاں بالخصوص درمیانی آمدنی والے طبقے کے لیے زیادہ سستی ہوں۔
انہوں نے کہا کہ مجوزہ آٹو پالیسی متعلقہ وزارت کو بھجوا دی گئی ہے اور اسے یکم جولائی کو جاری کیے جانے کا امکان ہے۔
ای ڈی بی کے مطابق مکمل طور پر اسمبل شدہ چھوٹی الیکٹرک گاڑیوں کے تین ماڈلز رواں سال کی تیسری سہ ماہی میں کراچی پہنچنے کی توقع ہے، جس کے بعد کراچی اور لاہور میں بڑے اسمبلنگ پلانٹس کے قیام پر بھی کام کیا جائے گا۔